Somaliland ayaa joojisay shir uga socday magaalada Hargeysa hey'adda Qaramada Midoobay u qaabilsan dhinaca horumarinta ee UNDP.

Somaliland iyo UNDP

Axmed Saciid Cige BBC Hargeysa     Magaalada Hargeysa Somaliland ayaa joojisay shir uga socday magaalada Hargeysa hey'adda Qaramada Midoobay u qaabilsan dhinaca horumarinta ee UNDP. Joojinta shirka UNDP ayaa waxaa sal u ah kadib markii la isku khilaafay qorshaha barnaamijka UNDP uu ka wado Somaliland. Wareysiga Wasiirka Wasiirka Qorsheynta ee Somaliland Axmed Xaashi ayaa BBC u sheegay inay go'aansadeen inay joojiyaan shir maanta uga furmi lahaa UNDP magaalada Hargeysa, kadib sida uu sheegay markii ay ku socon waayeen qorshihii ay ku heshiiyeen oo ahaa in aan la isku darin hawlaha Somaliland iyo Soomaaliya. Wasiirku waxa uu sheegay in aanay aqbali doonin inay ka hawlgalaan Somaliland ilaa ay wax ka beddelayaan qorshahooda, oo sida uu sheegay ay u hogaansamaan waxa Somaliland ay dooneyso. Hey'adda UNDP ayaa waxa ay gacan siisaa mashruucyo dhawr ah, sida maxkamadaha, booliiska iyo dib u dhiska.