Shalay Iyo Maanta:Mahadhooyinka Weedhaha Siyaasaded Ee Xaaji Cabdi Waraabe

Shalay Iyo Maanta:Mahadhooyinka Weedhaha Siyaasaded Ee Xaaji Cabdi Waraabe-HAATUF

Axmed Siilaanyo waa nin madaxweyne qaadi kara laakiin anigu isma jeclin"

Qormadan 13aad ee shalay iyo maanta oo aanu ku daraasaynayno weedhaha siyaasiyiinta iyo xubnaha miisaanka leh ee Somaliland ay wakhtiyo kala duwan ka yidhaahdeen madasha siyaasadeed lagaga jeediyo iyo isbedelka mawqifyada siyaasaddeed hadba halka ay Itijahooda siyaasadeed ula guuraan ayaa waxaynu manta qormadeenan isha qalinka ku mudi doonaa Xaaji Cabdi Xuseen (C/ Waraabe) oo ka mid ah odayaasha rug-cadaaga ah ee golaha guurtida Somaliland muddo dheer, oo ka soo tirsanaan jiray guddida joogtada ee golahaasi muddo toban sano ah xilkeeda soo qabtay, islamarkaana lagu tilmaamo shakhsi aftahanmo iyo balaaqad codkarnimo leh, mawaaqiifta siyaasadeedna si weyn ugu taageera xukuumada Rayaale, balse aan mawqifkiisa siyaasadeed aan mar kaliya bedelin.

Hadaba Xaaji Cabdi Waraabe aynu soo qaadano weedhihiisa mahadhooyinka ah ee uu ka jeediyay wakhtiyo kala duwan fagaarayaasha dalka.

Xaaji Cabdi Xuseen, mar uu ka hadlayay waxyaalaha sababay inuu xukuumada taageero waxa uu yidhi 1. "anigu waligay xukuumad kama hor imaado oo kursga ayaan la saaxiib ahay, ninka ka hor yimaadaana fariid maaha.

2. "anigu madaxweynaha lama socdee nabadgelyada ayaan la socdaa"

3. "hadba madaxweynihii yimaada ee la doorto ayuun baan la shaqaynayaa"

4. "Axmed Siilaanyow haddii Faysal Cali Waraabe iyo Saleebaan kula tartamayaan kaamaanu qaadneen ee Daahir Rayaale waa baalayaasha"

5. 'Axmedow inamada waad ka da'weyn tahay ee iyaguna adeeradood bay soo kaxaysan"

6. 'Axmed Siilaanyo waa nin madaxweyne qaadi kara laakiin anagu isma jeclin'

7. Raga madaxweynayaasha doonaya waxaan leeyahay hadaladiinu ha u eekaadeen hadalo madaxweyne"

8. Waxaan leeyahay haddii Daahir Rayaale doorashada laga helo waa inuu si sharaf leh xilka u wareejiyo.

9. Anagu sharci maanaan eegin ee maslaxad baanu eegnay oo waxaanu nidhi mucaaridka ayuu Dhiilkoodii madhan yahay ee ha loo daayo xubnaha shirguddoonka, madaxweynuhuna wuu naga aqbalay.

10. Wixii aanu idinkala xishoonay shirguddoonka wakiiladoow ummadda kala xishooda, doorashadii guddoomiyaha guurtida ee uu ka geeriyooday Sheekh Ibraahim Sheekh Yuusuf Sheekh Madar kadib markii loo doortay Saleebaan Maxamuud Aadan oo uu ka hadlay madashii codka gacantaaga ah goluhu ku go'aamiyey ayaa waxa uu yidhi Xaaji Cabdi .

11. Madaxweyne Rayaale halbaa seegtay, Saleebaana halbaa Seegtay aniga se hal ima seegin oo madaxweynaha waxa seegtay haddii uu Saleebaan xilkaasi la rabay inuu ii sheego, Saleebaana waxa ay ahayd haddii uu hunguri ku jiray inuu ii sheego oo uu yidhaahdo Xaaji xilkaasi ayaan doonayaa, aniga se hall ima seeginoo qaranimada Somaliland difaaceeda halkii uun baan u fadhiyaa.

12. Daahir Rayaale Kaahin geeridii Cigaal ka dib mar uu ka hadlayey shakhsiyadiisa waxa uu yidhi Daahir waa Dhuxul dambas huwan.

13. Dawladdi qalooc iyo qumaatiba wax way ku xidhaa.

14. Shacabka reer Somaliland waa inay Afxabashiga Bartaan wax muhiim ah ayaa inagaga xidhan.

15. Inamadaasi taladaydii way diideene oo taladii Jaamac Yare ayay u dhego nuglaadeen oo waxaan idhi, haddaad taliso oo taladaadii la diido in la jabo ma jeceshahay.

16. Anigu ma ihi nin kursi u cadhoonaya ee Raali baan ka ahay cid kasta oo guddoomiyuhu xilkaasi guddida Joogtada u magacaabo, waxba kama qabo oo waan nasanayaa.

17. Axmed Siillaanyo Ragga u sharaxan Madaxweynaha Isagaa ugu da' Weyn.

La soco……….

Xigasho: Haatuf